Un dos obxectivos de Fundación Banco Médico Farmacéutico de Galicia é que ningunha persoa teña que renunciar á súa saúde por non dispoñer dos recursos económicos necesarios para pagar os medicamentos e tratamentos que necesita.
Por este motivo, a entidade ponse ao dispor dos veciños de Ribadumia en situación de emerxencia para custear o pago dos fármacos e tratamentos que teñen prescritos, coa colaboración do concello.
Ademais, a entidade leva a cabo un programa que permite custear o pago de lentes graduadas, audífonos e sistemas de monitoraxe de glicosa.
Este mércores o alcalde de Ribadumia, David Castro, a concelleira de Servizos Sociais, Sofía Núñez e a presidenta de Fundación Banco Médico Farmacéutico de Galicia Paula Chapela, reuníronse nun acto celebrado no salón de plenos do concello co obxectivo de dar a coñecer esta iniciativa.