Ricardo Aguilar, o concelleiro máis veterano do grupo municipal do Partido Popular, fixo público este martes que padece cancro, unha doenza pola que xa está a ser tratado dende hai un tempo. "Tengo una enfermedad por la que me están dando un tratamiento de quimioterapia", explicou o propio edil en rolda de prensa.
Aguilar, arquitecto de profesión, quixo explicar publicamente a súa situación ante os cambios físicos que vai experimentar nas próximas semanas, para atallar así as posibles especulacións que se poidan producir.
Neste sentido ironizou con que "voy a perder el poco pelo que me queda", pero afirmou que "seguro que volverá a crecer".
O concelleiro popular, que se manterá afastado da actividade política municipal durante un tempo, quixo mostrar a súa confianza nunha pronta recuperación. "Espero que el problema esté resuelto en un par de meses", concluíu.