Efectivos do servizo de Emerxencias do Concello de Cambados acudían este mércores, arredor das 12.30 horas, ata a parroquia de Vilariño, alertados pola saída de vía dun vehículo.
O accidente producíase na PO-300. Por causas que se investigan, o condutor perdía o control do turismo e terminaba precipitándose por un terraplén.
Finalmente, o vehículo impactaba frontalmente contra un poste da luz e contra varios postes dunha leira de viñas.
Segundo indican os servizos de Emerxencias, o condutor resultaba ileso neste accidente.