A Sociedade Cultural Deportiva Salcedo celebrou este sábado o seu desfile de Entroido con "gran afluencia de participantes e público" que, segundo os organizadores, superou a asistencia das anteriores edicións.
O xurado recompensou con premios en metálico o esforzo dos asistentes. Na categoría de "Individual", o primeiro premio foi para "A Rosquilleira", "Al Rojo Vivo" levou o segundo e o terceiro foi para "Candy Girl".
En "Parellas" o primeiro premio levoullo "Fauna e unicornio", o segundo "Lobo e porco bravo da pampa" e o terceiro "Bean e Police".
A clasificación en grupos ampliouse a seis sendo o primeiro clasificado a "Comparsa os Choquieros", segundo "A semente de Salcedo", terceiro "A pandilla", cuarto "Os remolóns", quinto "A.C. Moreira a tope", sexto "Bajo la influencia de la hechicera".
O premio especial fóra de concurso recoñeceu á Comparsa Os Paparrulos.