Escolares do CEIP de Portonovo presentaron esta xoves no salón de plenos do Concello de Sanxenxo un traballo de investigación sobre o rueiro municipal. Acompañados de profesores, familias e concelleiros do goberno local propuxeron a inclusión de máis nomes de muller e mesmo de traballos ou actividades vinculados ás mulleres, como o de redeira.
A concelleira Paz Lago comprometeuse en nome do Concello a tomar nota e a que pronto unha nova rúa leve o nome dunha veciña merecedora deste recoñecemento ou unha actividade tradicionalmente feminina.
O estudo e traballo de campo realizouse ao longo do curso na materia de Valores impartida por Fernando Aguín.