A Semana Santa de Pontevedra vívese tamén en horario matinal

O Venres Santo arrincou en Pontevedra cunha das citas máis singulares da súa Semana Santa.

Numerosos fieis participaron á primeira hora do día na Procesión do 'Encontro' con Viacrucis Penitencial.

Unha cita que arrincaban cedo, ás 9.30 horas, coa saída de forma simultánea de dúas imaxes.

Por unha banda desde a Basílica de Santa María partía a imaxe de Cristo coa Cruz ao Lombo, mentres que desde San Bartolomé facía o propio a Virxe da Soidade.

As dúas comitivas percorreron as rúas do centro histórico até atoparse na Praza do Teucro.

A xornada completarase a última hora do día con outro dos actos de maior seguimento dentro da Semana Santa de Pontevedra.

Ás 20.00 horas ten prevista a saída desde Santa María a procesión xeral do Santo Enterro coa participación das sete confrarías.

O seu percorrido pasará pola Praza de España, Riestra, Oliva, García Camba, Peregrina, Soportais, Fernández Villaverde, Michelena e outra vez Praza de España para finalizar de novo na Basílica.