A Autoridade Portuaria de Marín e Ría de Pontevedra pon en marcha un novo proxecto de autoconsumo enerxético que fará que a lonxa e os peiraos pesqueiros brillen con enerxía propia.
Nesa aposta por un futuro máis sostible, a Autoridade Portuaria ven de sacar a licitación a instalación dun sistema de autoconsumo fotovoltaico na cuberta da lonxa.
A actuación pretente mellorar a eficiencia enerxética das instalacións pesqueiras.
Cun investimento próximo aos 900.000 euros, cofinanciada polo Fondo Europeo Marítimo de Pesca e Acuicultura, esta iniciativa busca aproveitar a enerxía solar para cubrir parte das necesidades eléctricas do porto.
O obxectivo é reducir o consumo enerxético convencional, baixar as emisións contaminantes e avanzar cara a un modelo máis respectuoso co medio ambiente.
Este proxecto súmase a outras melloras recentes no sector pesqueiro, como a renovación dos alicerces articulados ou a nova cuberta da lonxa.
Este tres melloras tamén foron financiadas con fondos europeos.
A entidade que preside José Benito Suárez Costa enmarca esta iniciativa no compromiso do porto coa innovación e a sustentabilidade nas súas instalacións.