Un condutor de Poio, xa coñecido pola Policía Local por coller o coche a pesar de que non ten permiso de conducir desde 2013, volveu a ser interceptado nun control de tráfico.
Ocorreu na zona de San Xoán, un dos puntos onde o corpo municipal estaba a facer controis preventivos de seguridade.
Tras observar a presenza da patrulla policial, o home intentou darse á fuga sen éxito.
Os axentes sometérono á proba de alcohol e drogas, dando resultado positivo en haxix. Ademais, portaba con el unha arma branca que lle foi requisada.
A Policía Local tramitou contra el unha infracción penal por conducir cunha perda de vixencia do permiso e unha infracción administrativa por presencia de drogas no organismo, que lle suporá unha sanción de 1.000 euros e a retirada de 6 puntos.
Ademais, proporán que se lle impoña outra sanción por levar unha arma branca na vía pública.
Engade Pontevedra Viva como fonte preferida de Google de balde
Mantente informado coas últimas noticias de actualidade.