A actual vaga de incendios que mantén en alerta a boa parte de Galicia levou ao Concello de Pontevedra a adoptar medidas preventivas en relación coas celebracións festivas.
Segundo a información facilitada polo Concello, este venres decidiron suspender "até novo aviso" o lanzamento e a tirada de foguetes nas parroquias do municipio.
Esta medida xa foi acordada coas distintas comisións de festas do rural.
A medida busca minimizar calquera risco de incendio nun contexto de altas temperaturas e escaseza de humidade.
No entanto, o Concello confirmou que se manteñen os espectáculos pirotécnicos programados para medianoite deste venres 15 e este domingo 17 de agosto no centro da cidade.
Segundo indican fontes oficiais, mantéñense estes espectáculos porque se desenvolven en contornas controladas e cunha estrita normativa de seguridade.
Aseguran que se poden "manter todas as medidas de seguridade coas que xa contan este tipo de propostas".
Con motivo destes espectáculos pirotécnicos, establecéronse dispositivos de seguridade e de tráfico que poden consultarse aquí.