O sindicato Justicia Policial, JUPOL foi o último en posicionarse contra a decisión de instalar bolardos nas rúas peonís da zona centro de Pontevedra.
O secretario local de Jupol Pontevedra, Alejandro Gómez, lembra que o aumento da taxa de criminalidade no primeiro trimestre do ano 2024 na cidade de Pontevedra foi dun 16 por cento e critica as declaracións que desde a área de seguridade do Concello nas que "desprezaban este aumento da criminalidade como un fenómeno natural en todas as cidades".
"É necesario que os cidadáns de Pontevedra sexan conscientes de que a seguridade cidadá é algo vital", manifesta este representante policial.
Desde JUPOL advirten de que "noutras cidades do noso país tomáronse nas pasado decisións erráticas e que non contaron coa aprobación dos expertos en seguridade por parte dos gobernos municipais que conduciron a uns índices delincuenciales disparados cun grave prexuízo da convivencia. Pasando a ser, nestas urbes, o aumento da criminalidade a principal preocupación da cidadanía".
Alejandro Gómez asegura que "existe unha lei de ferro na seguridade cidadá" que é: "todo aquel espazo público do que se ausente a Policía, será ocupado polo delincuente".
Por todo iso anterior, desde JUPOL súmanse ás demandas efectuadas desde a Subdelegación de goberno, autoridades policiais, outras forzas sindicais, organizacións políticas e cidadás, esixindo ao Concello de Pontevedra a "retirada de todos aqueles elementos que dificulten a libre circulación dos vehículos policiais e de emerxencias polo centro da cidade".