Os portavoces dos grupos municipais de Cuntis acordaban este venres que o alcalde Manuel Campos decretara tres días de loito oficial, durante as xornadas do 9, 10 e 11 de setembro, debido ao falecemento do concelleiro Roberto Caeiro Duarte.
Roberto Caeiro fora designado portavoz do goberno despois das últimas eleccións municipais. Era o concelleiro responsable do departamento de Turismo, Patrimonio e Medio Ambiente, ademais se encargaba da xestión de actividades na biblioteca municipal de Cuntis.
Con motivo do seu pasamento tamén se establece que as bandeiras ondeen a medio mastro en todos os edificios municipais cun lazo negro.
A estas medidas tamén se suma a decisión de gardar un minuto de silencio en todos os actos lúdicos e deportivos que se desenvolvan nos próximos tres días nas instalacións municipais.