O "bolo do pote" foi un dos pratos típicos de Galicia. Elaborado con fariña de millo mollada en caldo, acompañaba ao cocido na mesa xunto ao chourizo e a orella. Agora triunfa cada ano en Marín na festa que leva o nome deste produto gastronómico e na que os organizadores se pasan toda a noite traballando.
Este domingo 18, a Asociación Fentos e Frouma repartiu na Alameda Rosalía de Castro máis de 2.000 racións, entre as 12.00 e as 15.00 horas. A xornada desenvólvese coa organización de xogos tradicionais.
Os encargados de levar a cabo esta festa temen que este décimo quinto aniversario sexa o último. Indican que levan moitos anos de esforzo e queren que outro colectivo recolla a testemuña desta tradición.