O Concello de Sanxenxo informou dun aparatoso accidente de circulación rexistrado na madrugada deste martes.
Un vehículo pasou por riba da rotonda de acceso a Vilalonga levando por diante unha roca ornamental desprazándoa varios metros.
A pesar do forte impacto da colisión o condutor non necesitou traslado en ambulancia.
O Concello sinalou que o sinistro causou importantes danos materiais.
Ao lugar do suceso acudiron axentes da Policía Local e persoal do servizo de Emerxencias, que tiveron que encargarse de retirar a roca de grandes dimensións que obstruía un dos carrís de circulación.