Un condutor terá que responder perante o xulgado por un delito contra a seguridade viaria ao ofrecer un resultado positivo en alcohol ao superar ata en cinco veces a taxa autorizada para circular.
A Policía Local de Poio acudía ata a Rúa Avenida da Praia ao redor das 21.35 horas do martes 12 ao ser requiridos por un impacto entre dous turismos.
Unha vez que os axentes chegaban a esta zona de Lourido comprobaron que un dos turismos invadira o carril contrario causando unha rabuñadura ao outro vehículo.
Ao someter ao condutor que perdera o control do vehículo, os axentes comprobaron que a taxa de alcol en aire expirado situábase en 1,27 miligramos por litro.
En España, a Dirección Xeral de Tráfico establece o límite en 0,25 mg/ en aire expirado e en 0,5 g/l de alcol en sangue.
Os feitos son, segundo indica a Policía Local, constitutivos dun delito contra a seguridade viaria por conducir baixo os efectos de bebidas alcohólicas. As dilixencias trasladáronse ao xulgado de garda para celebrar un xuízo rápido.