O centro asociado da UNED en Pontevedra pon en marcha do 20 de maio ao 30 de xuño un curso de coordinador parental, de 135 horas lectivas de duración, orientado especialmente á intervención na alta conflitividade familiar nos ámbitos xurídicos, sociais e educativos.
Este curso dispón dunha formación específica válida para toda España destinado aos profesionais especializados no ámbito da protección do menor e que constitúe unha nova ferramenta auxiliar do xuíz, que vai máis aló da mediación familiar.
A dirección académica do curso corresponde a unha profesora-titora do centro, Belén Romero Sáez, avogada en exercicio. O relator será o pedagogo e mediador Francisco Javier Mingorance Cózar, experto en prevención de diferentes tipos de violencias.
Os ensinos deste curso van orientadas a axudar, orientar e aconsellar como levar a cabo a crianza ou a educación aos proxenitores, pais, nais ou titores dos menores que teñen ao seu cargo, velando polo interese do menor nas rupturas familiares de alta conflitividade.
O coordinador parental é unha figura que regula e orientar as relacións familiares unha vez recaída a sentenza de separación e divorcio.
A diferenza do mediador, as súas funcións van moito máis alá de achegar posturas entre as partes, debido a que pode prescribir actos, condutas, actitudes e adestrar aos pais nas habilidades e destrezas necesarias para asegurar unha educación óptima dos fillos.
Así, céntrase en xestionar e orientar como se van a desenvolver as visitas previamente acordadas, promover a comunicación entre os proxenitores e a destes para cos seus fillos, de forma que se desenvolvan con normalidade, tranquilidade e responsabilidade evitando, dese modo, que se perda a comunicación do menor con algún dos seus pais.
Nese sentido, o coordinador parental debe pactar cos proxenitores as pautas, o calendario e calquera outras normas que entenda adecuadas e que sexan tendentes a normalizar a relación entre pais e fillos, facendo no seu caso propostas para os casos en que non exista acordo entre as partes, informando o xuíz para a súa valoración.