Co motivo do día mundial da diabete algúns edificios oficiais iluminaron ás súas fachadas en cor azul. E o caso dos concellos de Pontevedra e Marín.
No caso da Boa Vila, a Asociación de nenos e nenas con diabete de Galicia (Anedia), en colaboración co Concello, organizou un acto que contou coa actuación do grupo de gaitas Retrouso de Cela. Logo tivo lugar un baile a cargo dun grupo de nenos da asociación e como remate o médico do CHOP José Antonio Couceiro deu lectura ao manifesto.
Para o martes programouse unha triple actividade formativa.
Pola mañá, no comedor escolar do colexio Xunqueira II incidirase na importancia da alimentación para a saúde dos nenos e participaran nunha carreira pola diabete na que o premio será unha medalla co círculo azul.
Nos centros de educación primaria de Marín realizarán un pequeño xoguete óptico "taumátropo o círculo máxico" mentras reflexionan sobre o que significa medrar cunha doenza crónica.
Xa pola tarde do martes, a partires das 19 horas, na Casa Azul de Pontevedra celebrarase unha charla titulada "Cómo afrontar a diabete na adolescencia", impartida por Cristina Pérez e Angeles Cons, enfermeiras do CHOP especializadas en diabete.