O Centro de Atención ás Emerxencias 12 Galicia informou dun incendio que afectou a unha vintena de paneis solares dunha casa situada na rúa Nova de Arriba, en Beluso.
Os bombeiros indicaron ao 112 que ademais ardeu un alpendre, no que se orixinou o lume e onde había almacenados combustibles e un cortacésped.
Segundo explicou o 112, a Policía Local foi alertada sobre as 3:45 horas desta madrugada. Unha particular detallaba que os paneis eran de gran tamaño e atopábanse nunha zona arborizada.
De inmediato, tamén se solicitou a acción dos Bombeiros do Morrazo e dos axentes da Garda Civil.
Os equipos de extinción conseguiron apagar as lapas pouco antes das 5 horas.