O ano 2023 acabou en Sanxenxo con espírito solidario. Un ano máis, a asociación Aladina organizou o mergullo solidario co que se recadan fondos para a investigación do cancro infantil.
A partir das cinco da tarde, a praia de Silgar empezou a encherse de bañistas e veciños con fins solidarios, moitos deles con disfraces ou vestidos con referencias ao Nadal e ao ano que acaba.
Na praia vendéronse rifas e moitas persoas participantes xa realizaran as súas colaboracións en liña.
A cita estivo amenizada pola música de Marcos Sabor e terminou cunha chocolatada.