A patrulleira Corvo Mariño do Servizo Marítimo da Garda Civil de Pontevedra rescatou este domingo unha embarcación que quedara á deriva e sen tripulación na canle de acceso ao Porto de Vilagarcía.
Segundo a información difundida pola Garda Civil, trátase dun veleiro de 12 metros de eslora de bandeira polaca que "probablemente se soltou do seu amarre debido ao forte vento".
O persoal do servizo marítimo localizou a embarcación e decidiu remolcala ata o porto de Vilagarcía.
Tomouse esta decisión de proceder a remolcala ante un posible impacto coas bateas que proliferan na zona e tamén polo perigo que supoñía para a navegación doutras embarcacións.