Na comarca do Salnés despregouse este martes un operativo contra o narcotráfico dirixido polo Xulgado Central número 6 da Audiencia Nacional.
Neste operativo participaron axentes dos Equipos contra o Crime Organizado da Garda Civil (ECO).
Esta investigación ten ramificacións fóra de España polo que tamén actuaron a Policía Judiciaria de Portugal, Europol e a DEA, a axencia do Departamento de Xustiza dos Estados Unidos dedicada á loita contra o tráfico de drogas.
Segundo fontes xudiciais, polo menos hai 11 persoas detidas e practicáronse rexistros en varios inmobles de Vilanova de Arousa e tamén noutras provincias.
Fontes policiais apuntan a tan só nove detidos, que estarían vencellados ao coñecido como clan de Los Piturros, pero a operación sigue aberta e poderían sumarse eses 11 detidos.