O Entroido da cidade de Pontevedra contará coa iluminación dunha empresa da comarca. Trátase de Iluminaciones Pintos, unha compañía especializada de Barro, que foi contratada polo Concello ante o atraso da nova adxudicación.
Esta empresa cobrará 8.974,80 euros máis IVE.
O encargo do goberno municipal inclúe a instalación de iluminación en Michelena, Benito Corbal, Praza de España, Praza da Ferrería, Praza Curros Enríquez, Praza da Verdura, Praza de Ourense e Loureiro Crespo.
Mentres tanto, os técnicos municipais seguen tramitando o novo contrato de iluminación para o Entroido, as Festas da Peregrina e o nadal.
Sairá a licitación por dous anos nas mesmas condicións que o contrato actual.