Da residencia de maiores de Vilaboa procedía a muller de 82 anos que faleceu en Montecelo este sábado tras contraer o coronavirus.
Sanidade confirmou que a muller tiña patoloxías previas.
É a vítima número 238 desde que comezou a pandemia na área sanitaria de Pontevedra e O Salnés.
En Galicia, pola súa banda, as mortes son xa 2.845.
Ademais da muller falecida en Pontevedra, as autoridades sanitarias confirmaron o deceso dun home de 77 anos no hospital ourensán de Verín.