O alcalde de Cuntis, Manuel Campos, visitou este luns a Clementina Fernéndez Casanova, unha veciña de Arcos de Furcos que acaba de celebrar o seu 103 aniversario.
O rexedor, acompañado polas concelleiras Conchy Campos e Ana Loureiro, saudou e conversou durante varios minutos cunha das veciñas máis lonxevas do municipio, que a pesar da súa idade, "atópase moi ben de saúde", destacan desde o goberno local.
Clementina, que estaba acompañada polos seus familiares, mostrouse moi emocionada por esta visita e os edís fixéronlle entrega dunha placa para felicitarlle o seu aniversario.