O concelleiro do grupo municipal do Partido Popular de Pontevedra Pablo Fernández urxiu ao Concello a unha "intervención inmediata" no parque de Valdecorvos ao entender que está comprometida a seguridade dos usuarios deste espazo verde.
Fernández refírese, entre outros, aos numerosos danos que presenta o mobiliario urbano. Un dos máis grave é a varanda dun das pontes polos que pasa a senda e que está complementa esnaquizada.
Os veciños confirmaron que a Policía Local ten coñecemento hai dous meses da gravidade situación e que os propios axentes xa remitiron un informe ao Concello.
"É sorprendente o abandono ao que está sometido este parque e deterioración que presenta despois de investir 50.000 euros nel hai só un ano", destacou o popular. Nas obras incluíuse a restauración e acondicionamento das pasarelas de madeira e das pontes, que hoxe xa "supoñen un risco para os cidadáns".
Fernández fixo referencia, ademais da a situación da ponte, "á existencia de numerosas puntas de parafuso ao descuberto, a escaleiras rotas, cables eléctricos ao aire…".
O concelleiro insistiu en que "debemos emendar urxentemente os riscos que conlevou o abandono desta zona. Ademais, o Concello xa ten un informe que certifica o estado da zona. Non deberiamos esperar nin un minuto máis para tomar cartas no asunto".
Engade Pontevedra Viva como fonte preferida de Google de balde
Mantente informado coas últimas noticias de actualidade.