Integrantes da asociación Vaipolrío repiteron este sábado 15 de setembro unha xornada de loita contra a propagación da herba da Pampa.
Así, desde primeira hora da mañá percorreron as zonas próximas ao río Gafos realizando tarefas de control e erradicación desta especie exótica invasora.
Os voluntarios afanáronse en eliminar os plumeiros característicos desta planta, procedende de Sudamérica, impedindo que se estendan as súas sementes.
Ademais procederon a arrincar exemplares novos da herba da Pampa, unha tarefa sinxela e que reduce gastos e esforzos ao acometela antes de que crezan e fágase máis difícil a súa eliminación, xa que chegan a alcanzar os dous metros de altura.