A asociación ecoloxista Vaipolorío denunciou un novo episodio contaminante no río Gafos.
Aínda que a norma xornalística di que a repetición dos feitos deixa de ser noticia, esta nova denuncia diante do 112 tamén busca presionar ás autoridades para que actúen fronte a esta situación que acontece con demasiada frecuencia nun sumidoiro situado no Marco.
Esta fuga de augas residuais ocorre nun punto moi próximo á confluencia do río Pintos (tamén coñecido como o río de Marcón) co Gafos.
O sumidoiro desborda con gran forza expulsando auga sen depurar directamente ao leito fluvial.
Engade Pontevedra Viva como fonte preferida de Google de balde
Mantente informado coas últimas noticias de actualidade.