O presidente da Xunta e do Partido Popular de Galicia, Alberto Núñez Feijóo, confirmou a súa presenza no acto de celebración do duodécimo Congreso Local dos populares en Pontevedra. Será este sábado 30 de xuño na sede de Afundación e xunto ao presidente popular asistirán o presidente provincial, Alfonso Rueda, o secretario autonómico, Miguel Tellado e a presidenta do Parlamento estatal, Ana Pastor.
No acto, Rafa Domínguez erixirase como presidente da xunta local do PP de Pontevedra, ao ser o único candidato ao cargo no que substitúe a Jacobo Moreira. Está previsto que se proxecte un vídeo no que Domínguez presentará as súas propostas para o futuro tanto da agrupación política no ámbito pontevedrés como para todo o municipio, para as eleccións municipais que se celebrarán en 2019.
Os populares iniciarán previamente unha campaña a través das redes sociais cunha versión reducida do vídeo e o hashtag #EfectoRafa.