As concellerías de Promoción Económica e de Igualdade, que dirixe a socialista Yoya Blanco, acaban de lanzar o vídeo da campaña Mulleres da Vila.
Trátase dun proxecto impulsado con motivo do 8M para homenaxear a tódalas mulleres empresarias e emprendedoras de Pontevedra pola súa labor, dedicación e paixón ao longo dos anos.
Esta peza audiovisual é unha oportunidade de coñecer un pouco máis ás 15 homenaxeadas deste ano, responsables dos seguintes establecementos comerciais participantes, elas son: María José Vázquez (Cuaderna Maestra), Laura Gallego (Lawen- Art Estudio), Eva Estévez e Mari Casalderrey (Peluquería D`Kbeza), Sonia Miñán (Frutería Sonia), Elena Iglesias (Librería Tinteiro), Elisabeth Esperón (Liz Esperón), Viviana Araújo (Estiloaramar), María Diz (Aquelarre), Carmen Pereira (Muebles Qka), Ana Muíños (Administración de Loterías 7 – Dorita) Guadalupe Boullosa (Mercería Lembranzas), Ángeles Riveiro (Olladas – Centro Óptico), Nuria Nerga, Marián Barros (Ton Sac), Adela Granados (Grano de Oro).