Unha actuación conxunta da Policía Nacional e a Garda Civil está a se desenvolver durante a xornada deste martes un operativo antidroga na provincia de Pontevedra que suma xa unha vintena de detencións.
A operación deixou rexistros e detencións en toda a provincia, aínda que se centra na comarca do Salnés.
Fontes extraoficiais confirmaron que os axentes actuaron nas localidades de Vilagarcía de Arousa, Vilanova de Arousa e Cambados, na comarca do Salnés, e tamén en Arcade, no municipio de Soutomaior. Segundo puido saber este xornal, realizaron un despregamento importante nesta vila a parti das sete da mañá.
Ademais, a investigación, que dirixe o Xulgado de Instrución número 3 de Vilagarcía, tamén chega a Vigo e á provincia da Coruña, en concreto, a Santiago de Compostela .
A investigación está suxeita a segredo de sumario, polo que a Subdelegación do Goberno en Pontevedra limitouse a confirmar este novo golpe ao narcotráfico.
O subdelegado do Goberno en Pontevedra, Abel Losada, si confirma a detención de "máis dunha vintena de persoas" que presuntamente teñen relación co tráfico de drogas.
Ademais, realizáronse once rexistros, nos que se interviñeron substancias estupefacientes, diñeiro e algunha arma.
A operación desenvólvena as unidades Udyco de Vigo e Pontevedra da Policía Nacional e o equipo EDOA da Garda Civil, ambas as dúas unidades especializadas na loita contra o narcotráfico.
Bautizada Doner, desenvolveuse ao longo da madrugada e as primeiras horas da mañá.
Losada quixo expresar a súa "felicitación" ás Forzas e Corpos de Seguridade do Estado, que "continúan golpeando duro ás redes do narcotráfico e a delincuencia organizada", contribuíndo co seu "valioso traballo" a que a provincia de Pontevedra "manteña os seus altísimos estándares de seguridade".