"Desde hoxe mesmo será posible pedir cita para a vacinación por WhatsApp". Así o anunciou este xoves o presidente da Xunta, Alberto Núñez Feijóo, na rolda de prensa tras o Consello da Xunta.
As persoas que queiran utilizar este sistema para pedir cita para a vacinación contra a Coivid-19, teñen que enviar unha mensaxe de WhatsApp ao número 981 215930.
O 91,5% dos galegos de 12 anos en diante teñen a pauta completa e o 93,5%, polo menos unha dose.
Segundo sinalou Feijóo, habilitouse esta fórmula a través do WhatsApp para "facilitar" a inoculación de antídotos contra o coronavirus, buscando a "complicidade" dos galegos que aínda son remisos a poñerse a vacina, "sabendo que non imos obter o cen por cen" pero tentando chegar " á maior porcentaxe posible".
O proceso de vacinación deixa este mes os recintos masivos para entrar nunha " nova fase", nos centros de saúde.