A praza de touros foi escenario durante toda a fin de semana de diferentes actividades na novena edición da Xuntanza de Peñas organizada pola Coordinadora de Peñas Taurinas de Pontevedra.
Unha comida popular no coso de San Roque, unha capea con vaquillas, música en directo e unha festa protagonizaron a xornada de sábado.
Tras a música e o baile o domingo as actividades pecháronse cun tentadero na praza no que foi protagonista o toledano Álvaro Lorenzo.
A Xuntanza de Peñas, nas que estivo presente o empresario da praza, Eduardo Lozano, serve de anticipo para a Feira da Peregrina, presentada este sábado e que terá a súa primeira cita o domingo 7 de agosto.