O Centro Multiusos de Moraña foi o escenario onde este sábado Xoel Souto Eiras, candidato socialista á alcaldía, presentaba a lista coa que pretende recuperar o mandato para o PSdeG-PSOE.
Na súa intervención sinalou que se respira a sensación de que algo está a pasar e que darán a volta a esta situación que se vive en Moraña onde "falta proxecto" criticando o "desgoberno do PP".
No acto estivo acompañado por Carmela Silva, presidenta do PSdeG; Alberto Varela, alcalde de Vilagarcía e as números 2 e 4 da súa candidatura, Marta Pérez e Cintia Piñeiro.
Presentou á súa lista como un conxunto de "xente ilusionada, plural, formada e traballadora".
O candidato socialista, entre outras propostas, anunciou que pelexará polo Centro de Saúde co obxectivo de que funcione ao 100% cubrindo as prazas de médicos e de pediatra.