Por primeira vez na súa traxectoria, tres xeracións de músicos da Asociación Músico-Cultural San Martiño de Salcedo compartirán escenario este sábado 22 de novembro no concerto de Santa Icía, patroa dos músicos.
A Coral Polifónica, a Banda Xuvenil e a Banda de Música de Salcedo ofrecerán un evento único no Pazo da Cultura de Pontevedra a partir das 19.00 horas.
No recital, actuarán como solistas os vencedores do Concurso de Xóvenes Intérpretes Ángel Nogueira, destacando o papel da Escola de Música de Salcedo no desenvolvemento do talento local.
Abrirá o concerto a Coral Polifónica de Salcedo que interpretará 3 nanas cántabras.
O público poderá gozar de temas variados, desde nanas cántabras e cancións de Serrat ata pezas de Morricone ou boleros.
O concerto culminará coa actuación conxunta de máis dun cento de músicos.
Un dos momentos máis emotivos será a entrega das insignias da Asociación ás novas incorporacións, compostas maioritariamente por antigos membros da Banda Xuvenil, reflectindo o vigor e futuro da canteira musical de Salcedo.