O 23 de abril conmemórase o Día do Libro e o Concello de Ponte Caldelas conmemorará esta xornada coa iniciativa ‘Libros voadores’.
A Sala de Exposición da Casa da Cultura acollerá todos os títulos descatalogados da Biblioteca Municipal ou que foron doados por particulares e que xa non teñen cabida nos andeis.
Os libros estarán á disposición da veciñanza entre o venres 23 e o venres 30 de abril e cada persoa poderá levarse gratuitamente dous exemplares dos expostos.
Con esta iniciativa tamén se pretende fomentar a lectura entre os veciños.