A Sala X situada na Facultade de Belas Artes, que xunto coa Casa das Campás é o principal espazo expositivo do campus universitario de Pontevedra, cambiará de nome.
Farao para homenaxear un dos pintores máis coñecidos de Pontevedra, Manuel Moldes, falecido en 2017. O artista foi ademais un dos profesores de referencia desta facultade.
O novo nome oficial da Sala X será Sala de Exposicións Universitaria Manuel Moldes.
Ademais deste cambio de nome, o equipo decanal de Belas Artes prevé acometer unha serie de traballos de reforma para optimizar o espazo desta sala.
Estas obras de remodelación contan co apoio de toda a comunidade educativa da Universidade de Vigo, segundo explicou o vicerreitor do campus pontevedrés, Jorge Soto.