O público que na noite deste venres acudía ata a Praza da Fererería bailou, cantou e puido achegarse ao máis íntimo da música tradicional de Galicia grazas ao concerto que dous grandes da música deste país ofreceron dentro da programación das Festas da Peregrina.
Xabier Díaz, o compositor e cantante subiu ao escenario co seu grupo Adufeiras de Salitre, co que logrou en 2016 o premio ao mellor álbum de música tradicional nos Premios Galegos da Música. Guadi Galego, a gaiteira, pianista e vocalista, uníase a esta proposta sonora na que ambos interpretaron algúns dos temas máis coñecidos da súa discografía cargados de emoción.
Guadi Galego foi a cantante do grupo Berrogüetto ata xaneiro de 2008, cando abandonou a formación e o seu posto como vocalista foi ocupado polo propio Xabier Díaz. Os dous desenvolveron xuntos diversas xiras e actualmente percorren Galicia con O mundo está parado.