A segunda edición do festival Brinca na Praza chega esta fin de semana para encher de ritmo e cor a pontevedresa Praza do Teucro.
Nesta ocasión serán catro os grupos de rock en galego que se subirán ao escenrio lerezano dentro da programación das Festas de Verán na que é última actividade programada antes da Feira Franca.
Este venres, dende as 22:00 horas, A Banda do Terror, grupo que versiona cancións galegas de rock e de bravú, e Familia Caamagno, que presentará o seu EP Hai que andar cos tempos, iniciarán o festival.
O sabádo á mesma hora será a quenda no escenario da Parza do Teucro para os pontevedreses Frenaso no Calsonsillo e para O Caimán do Río Tea.