O centro urbano de Pontevedra converteuse, por segunda xornada consecutiva, nun improvisado escenario para que cinco bandas e artistas protagonizasen todo un itinerario musical.
Os concertos comezaron coa actuación de Carla Green & The Demons, que animaron a sesión vermú en Santa María.
O público puido gozar tamén da música de Blues do País e Vudú na praza de Curros Enríquez e de Patricia Moon e The Teta's Van na rúa Bastida.
Con eles, o ciclo Paseantes despediuse ata o próximo ano.