A illa de Cortegada é a gran protagonista do cartel da 54ª edición de Curtas Festival do Imaxinario.
O festival, que se celebrará en Vilagarcía de Arousa do 23 de outubro ao 1 de novembro de 2026, volve recorrer a Flavio Greco como creador dunha imaxe cargada de referencias ao cine dos anos 80, a mitoloxía galega e o horror.
A ilustración mostra a dous mozos seguidores do festival enfrontándose ao descoñecido.
Greco recupera así a estética das grandes aventuras dos anos 80, pero lévaa cara a un terreo máis escuro, onde o descoñecido escapa á lóxica e á comprensión humana.
A convivencia co sobrenatural e cunha lectura contemporánea das lendas locais esperta a figura do Urco, o can negro espectral portador de malos presaxios que cruzaba a ría a nado as noites de tormenta para sementar o pánico entre os veciños.
No cartel, esa presenza mítica aparece transformada nun horror que transcende a realidade e que nos lembra que neste festival a tradición, a modernidade, o imaxinario e o fantástico sempre van da man.
Esta narrativa visual servirá de antesala dunha nova edición que volverá converter Vilagarcía no epicentro do cine fantástico.
Engade Pontevedra Viva como fonte preferida de Google de balde
Mantente informado coas últimas noticias de actualidade.