Para o próximo día 25 de novembro (19:00 horas) o Sexto Edificio do Museo de Pontevedra programou a quinta edición do concerto "Gustavo Almeida e amigos" .
Xunto ao cantautor brasileiro-pontevedrés estarán os cantantes Jorge Casal e Carlos Zanetti, Franc Gorriz na batería, Edgar Vero ao baixo, o pianista Alberto Vilas, o guitarrista Samu Gamallo e o escritor David Neira.
Gustavo Almeida, a piques de lanzar o seu cuarto disco, é a nova incorporación do catálogo de artistas de M2 Music Group. O disco conta cunha produción do recoñecido produtor valenciano Nacho Mañó (Presuntos Implicados, Alejandro Sanz, Niña Pastori, Revólver, entre outros).
Á espera da publicación do seu novo disco xa está a promocionar o primeiro tema, "Fue de repente".