Costa Feira 2025 anunciou unha nova fichaxe: José de Rico.
O DJ e produtor barcelonés, responsable de hits incontestables como 'Rayos de Sol' e 'Te Fuiste', estará a actuar o próximo 5 de agosto en Bulla.
Nado en 1982 en Barcelona, José de Rico construíu unha carreira sólida e vibrante na escena electrónica española. Tras facerse un nome como locutor na emblemática emisora Loca FM, deu o salto á produción musical en 2009, consolidando un son propio e reconocible. A súa alianza co artista dominicano Henry Méndez o catapultou á fama internacional, levando os seus temas todo o máis alto das listas de éxitos.
Con máis de 100 producións no seu haber e presenza habitual en festivais de toda Europa, José de Rico é sinónimo de festa, conexión co público e beats imparables. A súa sesión en "Bulla", como parte de Costa Feira o 5 de agosto será un dos momentos máis bailados e celebrados do festival.
Costa Feira conta co apoio da Xunta de Galicia a través da Axencia Turismo de Galicia, no marco de Concertos do Xacobeo.
Os primeiros artistas confirmados na edición 2025 (Leiva, Manuel Carrasco, Camilo, Los Secretos, Gordo, Don Patricio, Café Quijano, Guitarricadelafuente, 2manydjs Sebastián Yatra…) supoñen un paso máis na consolidación de Costa Feira como un dos grandes eventos do verán en Galicia.