O festival Río Verbena, que se celebrará en Pontevedra os días 21 e 22 de agosto, completou por fin o cartel da que será a súa quinta edición.
León Benavente e Sarria encabezan as últimas confirmacións da oferta musical que o festival pontevedrés ofrecerá ao público.
Xunto con estas dúas referencias da música 'indie' nacional, Río Verbena incorpora ao seu cartel definitivo a catro talentos locais: o vigués French Riviera, os coruñeses Apolo 18 ou os pontevedreses Müntrails.
Sergio el Indio DJ, pola súa banda, animará o peche do festival.
Ademais de anunciar estas novas incorporacións, Río Verbena desvelou a repartición por días de todos os seus concertos.
Así, o venres 21 de agosto subiranse ao seu escenario Siloé, La La Love You, Sidonie, Sarria, Luís Fercán, Cora, Müntrails, Apolo 18 e Señora DJ.
O sábado 22, pola súa banda, serán as actuacións de Love of Lesbian, Carlos Ares, Sanguijuelas del Guadiana, León Benavente, Yoly Saa, Los Acebos, French Riviera e Sergio el Indio DJ.
Os abonos para esta quinta edición do Río Verbena están á venda a través da súa páxina web a un prezo de 75 euros.
As entradas por día poderanse adquirir pola mesma vía a partir de mañá.
Engade Pontevedra Viva como fonte preferida de Google de balde
Mantente informado coas últimas noticias de actualidade.