A fin de semana do 15 e 16 de xuño ofrece diversas actividades culturais en Poio.
O sábado pola mañá inaugúrase no Mosteiro de Poio a exposición de obras do alumnado da Escola de Canteiros de Poio dentro da mostra Arias Xidas e a de Maquetas do patrimonio cultural, cos traballos realizados polo veciño José Manuel Magdalena Otero.
Ambas as exposicións permanecerán abertas ata o 8 de xullo. A veciñanza de Poio terá acceso libre coa recollida das invitacións na Casa do Concello; no Casal de Ferreirós; na Oficina de Turismo de Combarro ou no Palacete das Besada en Pontevedra.
Na tarde do sábado iniciarase a actividade musical coa celebración do Certame de Corais, que chega á vixésimo quinta edición. Organizado pola Coral de Poio e a parroquia de San Xoán en colaboración co Concello, o concerto iniciarase ás 20.30 horas e participarán tanto a Coral Polifónica de Poio como a Polifónica de Salcedo.
Xa o domingo está previsto un concerto dos mariachis Vilamariachi acompañados pola cantante Marietta. A actuación será no local da Comunidade de Montes de San Xoán, a partir das 18.00 horas con entrada libre.
Os concelleiros Natividad Torres, Natalia Sabarís e Fran Dasilva anunciaron que está prevista a programación de sesións musicais en directo en diferentes parroquias en colaboración con colectivos de cada lugar.
Engade Pontevedra Viva como fonte preferida de Google de balde
Mantente informado coas últimas noticias de actualidade.