A banda mexicana Molotov non virá a Europa este ano. E un dos seus concertos, o que ían dar o sábado 15 de xullo no festival PortAmérica, foi suspendido.
Molotov, segundo publicaron nas súas redes sociais, atrasaron ata o 2024 o seu circuíto europeo por problemas de loxística. Non poderán, por tanto, cumprir cos seus compromisos.
É previsible que o seu concerto en PortAmérica forme parte do cartel do festival o próximo ano.
Tras este cambio, o cartel por días do festival, que se celebrará na Azucreira de Portas os días 13, 14 e 15 de xullo, quede da seguinte maneira:
Xoves 13: Deluxe, Guitarricadelafuente, Quique González, Ysy A, Funzo & Baby Loud, Gustavo Santaolalla, Second, Son Rompe Pera, Conociendo Rusia e Quirkyoddgirld.
Venres 14: Sebastián Yatra, Nicki Nicole, Jorge Drexler, Dani Fernández, La M.O.D.A., Pole, Ortiga & Pili Pampín, Bandalos Chinos, Sexy Zebras, Daniel me estás matando, Marilia Monzón e Centavrvs.
Sábado 15: Bad Gyal, MClan, Loquillo, Silvana Estrada, Carlangas, Nanpa Básico, Grande Amore, Flecha Valona, Muerdo, Orkesta Mendoza e Galician Army.