O trompetista Raynald Colom acompañado pola SPJ Group ofrecía na noite deste sábado un concerto cheo de enerxía, que provocou o entusiasmo dos centos de persoas que acudiron ata a praza do Teucro, este domingo a cita co jazz trasládase á praza da Ferrería.
O músico vigués Santi Quintáns coa colaboración do European Quartet ofrecerá un concerto a partir das 22.30 horas no que se fusionarán tradición e modernidade. O guitarrista conta cunha dilatada carreira na que destacan as súas composicións para grupos de música contemporánea, compañías de danza e formacións de jazz.
Será o terceiro gran concerto dentro da programación da 25 edición do Festival Internacional de Jazz e Blues que se celebra en Pontevedra.