O 26 de setembro é a data escollida pola organización do Surfing The Lérez para levar a cabo o festival musical que se desenvolva nas proximidades do río pontevedrés despois de que as inclemencias do tempo trastocaran o evento previsto para o pasado sábado 13 de xuño.
A organización xa anunciou a través da súa páxina en Facebook a confirmación desta data para a que non poderán conservar o mesmo cartel que estaba previsto para a primeira convocatoria. En setembro estarán Ángel Stanich, Pasajero, Los Motores Rock de Vigo, Julián Maeso Grupo, Gold & Colt, A Banda do Terror y los DJs Sr. Fiuza y Charli_é DJ?, mentres se traballa na procura doutras bandas para esa xornada.
O 13 de xuño estaba previsto contar coas actuacións de Lost Acapulco, Guadalupe Plata, Wyoming & Los Insolventes, Los Motores, Ángel Stanich, Sugar Mountain, The Grave Dolls, entre outros.
O festival Surfing The Lérez celébrase na Illa das Esculturas con numerosas actividades relacionadas coa gastronomía e cun ambiente familiar.