Volve o Ciclo de Butaca da Banda de Música de Pontevedra, que intentará "que domingo tras domingo el Teatro Principal esté lleno".
Así o recoñeceu o director titular da banda, Rafael Agulló, xunto ao que será novo presidente da formación, Jorge González, e a concelleira de Cultura, Carmen Fouces.
Trátase da primeira parte do ciclo na súa tempada 2018/2019, con dous recitais en cada un dos meses de outubro, novembro, decembro e xaneiro, xa que "se volverá a reemprender después de Domingos do Principal con dos conciertos en marzo, dos en abril y otros dos en mayo", explicou Agulló.
A entrada a cada un dos recitais será de balde, aínda que no concerto solidario previsto para o 4 de xaneiro no Pazo da Cultura habilitarase un punto de doazón en beneficio da asociación Educo.
A tempada do Ciclo de Butaca da Banda de Música de Pontevedra iníciase cos seguintes recitais:
- 14 de outubro: 'De tradición' con Suso Vaamonde como artista invitado. Ruínas de San Domingos. 12:30 horas (en caso de choiva trasladarase ao Principal).
- 28 de outubro: 'John Williams en concerto' co director titular Rafael Agulló. Teatro Principal. 12:30 horas.
- 11 de novembro: 'Músicas sen visado' co director invitado Miguel Rodrigo i Tamarit. Teatro Principal. 12:30 horas.
- 25 de novembro: 'Mitos e lendas' co director titular Rafael Agulló. Teatro Principal. 12:30 horas.
- 9 de decembro: 'Ventos do Nordés' co director titular Rafael Agulló. Teatro Principal. 12:30 horas.
- 23 de decembro: 'Un paseo pola lírica' co director titular Rafael Agulló. Teatro Principal. 12:30 horas.
- 4 de xaneiro: Concerto solidario 'Walt Disney o soñador' co director titular Rafael Agulló. Pazo da Cultura. 21:00 horas.
- 13 de xaneiro: 'Guerra e paz' da Banda de Música de Lalín e a súa directora Isabel María Rubio. Teatro Principal. 12:30 horas.