A sede de Turismo Rías Baixas acolle dende o vindeiro venres 30 de agosto a exposición "Pintar servir e listo" do artista Isaac Sucasas ata o 13 de setembro en horario de 9 a 21 horas de luns a venres, e de 10 a 14 horas e 16.30 a 20 horas os sábados, domingos e festivos.
Os asistentes poderán contemplar máis de 60 ilustracións deste artista colaborador da Feira Franca e o Salón do libro infantil e xuvenil de Pontevedra.
Nela combina o trazado do lapis co emprego de diversos programas como Photoshop como así deixa patente no cartel que abre a exposición e que é ilustración do libro da autora Dorothy Canfield Fisher, o primeiro libro que ilustra; así como en outras mostras que se poderán observar a partir deste venres.