O 'Por si me escuchan' de Gustavo Almeida soa no Principal vinte anos despois

En novembro de 2005, concretamente o día 3, Gustavo Almeida subiu ao escenario o Teatro Principal para presentar Por si me escuchan…, o que era primeiro traballo discográfico.

Aquel evento marcou o inicio oficial do seu camiño como cantante e compositor.

O artista, que chegara a Pontevedra procedente de Brasil, tomaba entón a decisión de deixar atrás a súa vida como futbolista profesional para dedicarse por completo á música.

Agora, vinte anos despois, Almeida quixo revivir aquel momento.

Fíxoo no mesmo escenario, o Teatro Principal de Pontevedra, acompañado de toda a súa banda.

Xuntos reviviron todas as cancións daquel disco co que o artista de orixe brasileira comezou a súa carreira musical.

Durante o concerto, ademais, soaron moitos outros temas que, ao longo destas dúas décadas, foron forxando a personalidade artística de Gustavo Almeida.

Desde que pisou os escenarios por primeira vez, Almeida publicou cinco discos, o último integramente en galego, e colaborou con numerosos artistas de renome internacional.

Ademais, o seu talento levouno a dar centos de concertos en escenarios de Europa, Brasil e Estados Unidos.

E todo iso a partir dunha desde a singularidade da súa traxectoria como artista independente, forxada desde Pontevedra, unha cidade lonxe dos grandes centros da industria discográfica.