A Praza da Ferrería vibrou co folk renovado de De Ninghures

A Praza da Ferrería vibrou este venres con De Ninghures nun concerto que soubo a tradición e a modernidade.

A actuación, integrada na programación das Festas da Peregrina, serviu para reparar os grandes éxitos da banda e logrou unha gran implicación do público á hora de interpretar temas como La Morena.

Ademais, presentaron cancións do seu segundo disco, Feira, lanzado este 2025 e combinación do novo folk galego con influencias contemporáneas.

A banda encheu a praza cunha enerxía desbordante e proximidade do seus sete integrantes.

Esta banda emerxente, que iniciou a súa traxectoria en 2019, logrou conquistar ao público cun estilo que combina o novo folk galego con influencias dos chamados 'novos tradis'.

A programación musical das Festas da Peregrina continúa este sábado 16 de agosto co Concerto da Orquestra Sinfónica de Pontevedra e Grupo Tradicional Chavellos ás 21.00 horas na Praza da Ferraría

A continuación, ás 22.30 horas, está previsto o concerto de G5, grupo composto por Kiko Veneno, Muchachito, Tomasito, El Canijo de Jeréz e Diego Ratón na Praza de España.

Ás 22.45 horas, en Montero Ríos haberá unha nova cita coa verbena, da man da orquestra A Fábula.